من اهم اسباب تاخر الانجاب لدي المراه هو مرض بطانه الرحم المهاجره او كما يعرف باكياس الشيكولاته.
بطانه الرحم المهاجره كل شهر الست بيجيلها الدوره الشهريه وربنا خالق مكان انها تخرج في طريق المهبل ولكن في بعض الاحيان بتكون في خلايا زي الخلايا اللي بتكون الدوره الشهريه بتتكون جوا البطن سواء في المبيض اوفي تجويف البطن او علي الانابيب, والخلايا دي مالهاش طريق تخرج منها خارج الجسم علشان كده بتحبس جواها الدم ويتجمع كل شهر مع الدوره الشهريه ويكون كيس جواه دم وبعد شويه السوائل اللي جوا بتخرج ولونه بيتغير يبقي شويه شبه لون الشيكولاته وله ثلاث طرق للتاثير علي خصوبه المراه:
- المشكله ان هذه الاكياس بتاثر علي مخزون المبيض وبالتالي تؤثر علي تبويض السيده.
- ان هذه الخلايا تتكون علي الغشاء البريتوني وبتكون التصاقات في البطن ويؤثر علي الانجاب عن طريق اختلال وظيفه الانابيب.
- هذه الاكياس تكون اجسام مناعيه وبالتالي تؤثر علي الحمل.
علي مدار السنوات تغير طريقه تفكير الطبيب من محاوله ازاله هذه الاكياس من المبيض بالمنظار الي اننا نفكر بهدف الانجاب وبالتالي الهدف بتاعنا اننا نحافظ علي مخزون المبيض فقبل ما بنعمل اي جراحه لازم نتطمن علب مخزون المبيض للسيده ولو المخزون ابتدا يتاثر يبقي لازم نعمل تنشيط للتبويض واطفال انابيب اوحقن المجهري ونبعد تماما عن المناظير او ازاله الاكياس لان اثناء ازاله الاكياس عاده يتم ازاله جزء من انسجه المبيض السليمه وبالتالي مخزون المبيض يتاثر, والحاجه التانيه ان الاكياس دي بترجع وبالتالي اي عمليه لازالتها بعدها بكام شهر ترجع بصوره اشد والتصاقات اكثر.
بنعالجها حسب حجم الكيس اذا كان صغير بندي تنشيط تبويض لكن لو حجم الكيس كبيراو مخزون المبيض كان قليل علي طول بنبدا بالحقن المجهري عن طريق تنشيط المبيض ثم سحب البويضات وتلقيحها ثم نرجعها جوه الرحم.
